نبذه عن 5 العاب قصه للاندرويد والايفون بدون نت 2022
1- واول قصه معانا عن لعبه ريفليوشن بلاك فرايدي . القصه بتحكي عن ثوره 1979 وشخصيتك بتكون في اللعبه باسم رضا . ودا شاب بيشتغل فوتجرافر . وبيعيش جو الثوره بالعمل الخاص بيه ف مثلا يصور الاحداث اللي بتحصل في البلد . اللي هي ايران يعني . ورضا دا في الاغلب مبيكونش لوحده لانه معاه اصدقاء . وبتبدء تعيش جو عن الحياه في دوله ايران . وقصتها بشكل مبسط جايه انك بتعارض الظلم اللي موجود في البلد ف بيبدء يحصلك صراعات بسبب قيام الشعب بثوره . واللي انت هتكون من المؤثرين في الثوره دي . ف اللعبه موجوده علي الاندرويد والايفون . جرافيك اللعبه قوي واحداثها. ولعبه اوفلاين بحجم حوالي جيجا ونص . عايزك تنزلها مالرابط اللي هسيبهولك في الوصف وتعيش جو رضا بدل مانت عمال تسمع عنو بس
2- رقم اتنين وهي جابريال نايت . ودي برضو بتحكي عن قصه شاب والشاب دا بيبيع كتب . ولكن الكتب اللي بيمتلكها قويه ومش زي اي كتاب عادي . كتب غامضه يعني بمعني اصح . ف المهم جايبلك بقا ان في ناس بتستخدم الكتب دي وبتأجرها . عشان يأذوا بيها اشخاص وبتنتشر من خلالها جرايم . ف بيجي للشخص صاحب الكتب دي كوابيس ف احلامه ان هو اللي مسؤول عن اللي بيحصل من كم الشر والاذيه دي كلها . ف هو قرر انو يصلح كل دا . وبتبدء تروح مسرح الجريمه اللي بتحصل لكل مشكله . وتحاول تجيب براهين عن اللي بيحصل وتستكشف مين اللي بيستخدم الكتب دي . قصه غريبه لانها كانت ممكن تخلص مالاول وخلاص يعني لوكان خلي كتبه دي بشكل شخصي ومأجرهاش لحد مكنش كل دا حصل ولكن حب يعملك احداث بقا انتو عارفين . بس بصراحه لعبه قويه وهتعجبك بجد لوانت جربتها . وفيها مغامرات مختلفه وكتير ف تقدر تلعبها في الاول وفي الاخر بدون ملل
3- رقم تلاته وهي لوست لاندس ثري . لعبه مغامرات والغاز اوفلاين . وقصتها بتحكي عن شخصيه جايه باسم سوزان . بتحب تزور دايما المتاحف وف مره من المرات اتفاجئت ب مرايه قديمه داخل المتحف . واللي اول ماهتلمسها هتدخلها عالم غريب وارض تعتبر مفقوده . بعد مابتروح للعالم دا بتلاقي بنت صغيره . واللي هتاخدها لجدتها علشان تستوعب الاحداث اللي حصلتلها . واكتشفت سوزان بعد كده ان في وحش مجنح كان في الاصل تمثال ودا يعتبر شخصيه شريره في القريه . وشويه بشويه بتبدء تتحول كل التماثيل لحقيقه والخطر بيزداد اكتر . ولكن بتبدء انت كسوزان بحل الغاز وفهم احداث كتير عشان تنقذ قريتك . لعبه من ضمن اقوي العاب القصص اللي الجرافيكس بتاعها عالي . طبعا لوعايز احداث ومغامره في اللعبه اكتر من كده ف انت لازم تنزلها وتجربها عشان تعيش الدور بشكل كامل
4- رقم اربعه وهي لوست ويزين . لعبه من نوع المنظور الشخصي . وبتتكلم شخص شرطي اتأمر بدخول مستشفي للامراض العقليه . والسبب عشان ينقذ طفل فيها بعد حدث حصل دمر المستشفي بشكل رهيب . وهيبدء الشرطي اللي هو حضرتك يدخل بقا باحداث غريبه جوه المستشفي . وبتقدر تستخدم صاعق او اي وسيله موجوده في المستشفي عشان تنقذ نفسك مالحاجات المرعبه اللي هتشوفها جوا المكان دا . عشان فالاخر تنقذ الطفل . اللعبه مش متوفره دلوقتي علي جوجل بلاي ف هسيبلك رابط من ميديا فاير ليها تقدر تنزلها منه . واتمني منك تنزلها وتورينا هل هتقدر فعلا تنقذ الطفل ولالا
5- اخر لعبه وهي باتمان ذا تيل تيل سيريس . اكيد كلنا عارفين شخصيه باتمان وحبيناها اكتر عن طريق الالعاب . ف عشان كده جايبلك قصه ليها بتعيشك مهامات باتمان لانقاذ مدينه جوثام . واللعبه فيها 3 اطوار مختلفه في كل طور هتلاقي قصه كبيره وطويله . لعبه بجرافيك قوي جدا . وتعتبر لعبه بتحاكي القصه وانت بتكون البطل . ف اعتبر نفسك باتمان من دلوقتي واقضي عالاشرار وانقذ مدينه جوثام وعيش براحتك مع 3 اطوار مختلفه . لعبه اوفلاين مجانيه للاندرويد والايفون .حجمها حوالي 870 ميجا . ف هسيبهالك في الوصف ان شاء الله مع باقي العاب النهارده
إرسال تعليق