افضل 10 العاب للاجهزة الضعيفة للاندرويد

افضل 10 العاب للاجهزة الضعيفة

السلام عليكم ورحمه الله وبركاته اليوم معنا واحده من افضل السلاسل التي تعجبكم جدا وهي سلسله افضل 10 العاب ومعنا اليوم باذن الله تعالي افضل 10 العاب للاجهزه الضعيفه لهواتف الاندرويد منها العاب اوفلاين ومنها العاب اونلاين تعمل اغلبها علي كل الاجهزه ان شاء الله , ومما لاشك فيه ان هذه المدونه تعرض الكثير من الالعاب ومحاوله او هدفها وهو ان تنزيل الالعاب بشكل مبسط عليكم وتهتم بجميع اشكال الالعاب والبرامج المهمه التي تحتاجها بشكل كبير جدا مثل العاب GTA والعاب كره القدم وتجميعيات الالعاب بجميع انواعها الذي احضرها لكم وموجوده في المدونه ف اتمني ان تنال المدونه اعجابكم واتمني موضوعنا اليوم يكون مميز وتستفاد منه الكثير ودعونا الان نبدأ

نبذه عن العاب اليوم

تعتبر العاب اليوم من الالعاب المنوعه والتي احضرتها حصريا تجميعيه جميعها او علي بعضها في مدونتنا واتمني ان تعجبكم , معكم اول لعبه 1- خلونا نبدء باول لعبه وهي تاكاشي نينجا , اللعبه نوع من العاب المغامره وفيها اكتر من مدينه واطقم خاصه مختلفه للشخصيه . كمان بتحتوي علي جرافيك معقول نوعا ما . وحجم اللعبه صغير جدا وهو 97 ميجا فقط .واللعبه مش دي اغلب المميزات اللي فيها اكيد في كتير جدا ومنها ساحات القتال اللي هتواجهك وهتقابل رؤساء واعداء لحد ماتخلص علي الفساد اللي موجود في العالم وعشان اللعبه تزداد حماس اكتر ف هتلاقي اسلحه متنوعه للشخصيه وحاجات بتفوز بيها ف مناطق معينه زي الهيلث وكده لما بتبدء تلعب اللعبه وتلعب مراحلها

2- ومين فينا منفسوش بعيدا عن العاب القتال يلعب العاب السيارات . عشان كده جبتلك لعبه هورايزن تشيس . بتشتغل علي اي جهاز تقريبا وحجمها وهو 247 ميجا . وطبعا اكيد ملاحظ الرسومات او التصميم العالي في اللعبه . والتصميم اكيد بيختلف عن الجرافيك ف هتلاحظ ان الرسومات كويسه شويه نظرا انها مش اقوي شئ ومخصصه للاجهزه الضعيفه . ولكن قصتها بالظبط وهي كلاسيكيه يعني جايه من التمنينات او التسعينات في سواء انواع العربيات او طريقه اللعب وبتحتوي علي انواع سيارات كتيره جدا ومدن بمختلف انواعها . كمان مع الاجواء اللي بتلعب فيها وهتتعرف علي كل دا لما تنزل اللعبه من اللينك اللي هسيبهولك في الوصف

3-اللعبه التالته لاغني عن انواع الالعاب دي طالما هنتكلم عن تجميعيه العاب للاجهزه الضعيفه . ف دورت علي لعبه اف بي اس ولكن للاجهزه الضعيفه لحد مالقيت ايلايت كيلر . لعبه بحجم اكتر من 100 ميجا وموجوده علي جوجل بلاي . وفي اللعبه هتلاقي 100 مستوي تقدر تلعبهم . مع الكتير من الاسلحه والمعدات اللي هتلعب بيهم خلال فتره ال100 مستوي .وكمان مش هقولك علي الدبابات والمعدات اساسا اللي بتكون موجوده وانت بتلعب كمان مع اجواء الحرب ف الامر جميل جدا . ف عشان كده لوانت من محبين العاب الحرب وجهازك ضعيف انصحك بتحميل اللعبه دي

4-وطبعا مش هننسي ان احنا لازم نلعب لعبه اونلاين ولكن اللعب ميحلاش غير لوكان مع اصدقاء . ف عشان كده حبيت اجيبلك اللعبه اللي منتشره جدا الفتره دي وهي لودو . لعبه لودو للي ميعرفهاش وهي لعبه دومانو بتحتوي علي الدردشه الصوتيه . فتقدر انك لولعبت مع اصدقاء تفتح المايك وتتكلم معاهم وبكده اللعبه يحلي اكتر . وفي اللعبه هتلاقي كذا نمط تنوع فيهم بحيث انك متملش لما تلعب اللعبه دي كتير . وكمان مفيهاش اي تطوير عالي ف عشان كده هتلاقيها للاجهزه الضعيفه

5-وتعاله ننوع شويه في الالعاب واجيبلك نوع من انواع العاب الزومبي . ولكن هنا هتلاحظ ان النسخه اللي جايبهالك دي نسخه مطوره وعاليه جدا .اسمها ديد تريجر . لعبه اوفلاين وبتضم مابين الشوتر والزومبي . عشان كده بتواجه زومبي كتير في ساحات كبيره . وبتكون معاك انسب الاسلحه المتنوعه لقتلهم كلهم . بنوع منظور الشخص الاول .وكل دا تقدر تجربه لوجهازك ضعيف وحابب تنزل نوع مختلف شويه من الالعاب

6-تعالو نرجع لالعاب كانت مشهوره زمان ولكن من حلاوه اللعبه دي علي لسان ناس كتير الي انها لعبه مبتموتش اي ان كان الزمن . وهي لعبه مودرن كومبات 4 . النسخه دي موجوده علي جوجل بلاي بسعر 6 دولار . ولكن شرحنا شرح تفصيلي ازاي تنزل النسخه وتشتغل معاك كمان . وللي ميعرفهاش ف هي لعبه من صنع شركه جيم لوفت وقدمت لعبه حرب بمستوي عالي جدا زي مثلا العاب كول اوف ديوتي اللي موجودع علي الكمبيوتر . وفعلا ممكن تكون من ضمن افضل العاب الحرب علي الاندرويد . لانها بتتميز بمراحل مشوقه جدا واسلحه ومعدات مع القصه بتاعتها والنمط بتاعها كويس . ف لوعايز تحملها هسيبلك لينك الفيديو اللي كنت عاملو شرح تفصيلي من اول طريقه التثبيت لحد تجربه اللعبه

7- نيجي لسابع لعبه واللي جبتلك فيها اكيد لعبه كره قدم . استحاله نتكلم علي العاب متنوعه ومنضيفش العاب كره القدم . ف عشان كده جبتلك اظن افضل واحسن لعبه كره قدم تقدر تلعبها لوجهازك ضعيف . وهي بيس نسخه محاكي البي اس بي . ونظرا ان احنا داخلين علي الموسم الجديد في الكوره ف جايبهالك 2022 . وفي اللعبه هتلاقي احدث الاطقم واخر الانتقالات للاعيبه . وهتلاقي برضو جميع الانديه والمنتخبات كامله . وبرضو جميع البطولات واشهرهم بطوله دوري ابطال اوروبا . ف لوحابب تحملها ف هتلاقي برضو شرح ليها هكون سايبهولك في الوصف باذن الله

8- هنتحول دلوقتي لالعاب خفيفه جدا . ومن ضمنها وهي لعبه فيشينج اند لايف . لعبه اوفلاين بحجم 74 ميجا بس . قصتها وهي انك كده بتكون متعب من الحياه . بعدين بتبدء تمارس هوايه الصيد . وبتصتاد انواع اسماك مختلفه . وهتلاحظ الراحه وانت بتلعب كده وبتسمع صوت الامواج بشكل خفيف اوي كده . ولكن النقطه الرئيسيه وهي انك بتمارس هوايه الصيد بابسط صوره

9-تاسع لعبه وهي فرونتلاين سولدير . اللعبه اوفلاين وبحجم 27 ميجا اظن يعني مفيش اصغر من كده . ولكن برضو العاب من ضمن الالعاب الخفيفه ولكن بتحتوي علي جيم بلاي الي حد الان ممتع . والسبب وهي ان فيها كده زي القصه لان الشخصيه اللي بتلعب بيها جايه ان اصدقائه الاعداء اخدوهم رهائن . وانت بتبدء تنافسهم بالطريقه اللي هتفرضها عليك اللعبه لحد ماتوصل انك تدمر العدو . ف جهازك ضعيف انترنت ضعيف تقدر برضو تنزل اللعبه دي

10- هنختم الفيديو باخر لعبه واقوي لعبه لانها بتضم اللعب مع الاصدقاء . اسم اللعبه تو بلاير باستيمز . فيها انواع العاب مختلفه بشكل رهيب . زي مثلا الالغاز والمبارزه . وفي حاجه اسمها مغامره الفضاء . وفي لعبه الهوكي والسيارات وحاجات كتير جدا .وفي اوضاع بتلعبو فيها علي بطولات والمنافسه بتكون عاليه يعني . وكل دا تقدر تلعبو مع صديقك في اي حته . وتستمتع باللعب الجماعي اللي كلكم بتحبوه

اذا اتمني ان اكون قد قدمت اغلب النقط بشكل كامل في هذا الموضوع الشيق وقد نالت المقاله اعجابكم لاتنسو متابعه باقي المقالات ان كنتم مهتمين بهذه المواضيع ونراكم باذن الله في مقاله اخري وجديده ان شاء الله والسلام عليكم ورحمه الله وبركاته